Yad İzləri / Şefa Veli
düşür məni əllərindən,
yad izlərlə sevişim…
səndən sonra, sənə nə
arzum kimə ilişir?!
ölüb-ölüb dirilirəm
Nuhu ağlayandan bəri…
hər ömürdə bir sevirəm,
sonra… ölür sevdiklərim…
uydururam ayrılığı,
sevgiyə nağıl düzürəm…
küsdürüb qızıl balığı,
bitməyən ağıl gəzirəm…
Yoxa çıxmış sandığıyam
cehizinə aşiq qızın…
sənə nə, kimdi ağlayan,
göy üzündə xısın-xısın?!
Əllərindən düşür məni,
düşüm qalım bir daş üstə…
bu ömürdən ötür məni…
Bir dəfə de: “Baş üstə!”