Gətirdin / Aynur Agabalayeva

Sənsiz tufanlar daradı telimi,
Şaxta, boran sıgalladı əlimi
Bu dəlisov eşqin ilə ömrümü,
İlk bahardan sonbahara gətirdin.

Nə aglımda, nə fikrimdə vardın sən,
Nə də düşünürdüm sevəm səni mən.
Səninlə danışıb, dindiyim gündən,
Məni fərqli xəyalllara gətirdin.

Köksümdən cicək tək dərdin qəlbimi,
Yolub yollarına sərdin qəlbimi.
Sənə təmənnasız verdim qəlbimi,
Bir gör məni, hardan-hara gətirdin…