Kim Ölüb Gedənlər Üçün? / Gulsade İbrahimli

Məni ayrılıqla qorxudan adam,
de görüm, kim ölüb gedənlər üçün?
Bir məzar qazırıq,
İki göz yaşı…
Bu da son ayindi ölənlər üçün.
Nə sən uşaqsan,
nə də mən üzsüz,
biz bizi bilərək edam edənik.
Gücümüz çatmayıb birgə həyata.
Ayrı pəncərələrin arxasında biz
eyni dərd içində qəbrə gedənik.
Nə qaldı, de səndə,
nə qaldı məndən?
Bir nəmli əl izi,
bir öpüş yeri…
Qoy daha üşüsün o görüş yeri.
Nə sən uşaqsan,
Nə mən məktəbli.
Bilirik ,ayrılıq zamanı yetib.
Serroz xəstəliyi tutub sevgimiz,
bitib,
Son nəfəsi də bu payız bitib