Qardaşım / Gülnar Səma

(Qardaşım Afiq də daxil olmaqla bizə qələbə sevinci yaşadan bütün döyüşçülərimizə ithaf edirəm)

Murova könül verdin,
Silahından gül dərdin.
Düşməni yerə sərdin,
Mənim əsgər qardaşım.

Od-alovdan keçirsən,
Qarabağa uçursan
Zəfərə yol açırsan,
Mənim əsgər qardaşım.

Döyüşürsən ilk gündən,
Yerin cəbhədə – öndən.
Şuşa umuruq səndən,
Mənim əsgər qardaşım.

Türkə tarix yazırsan,
Düşmənləri əzirsən,
Qələbəyə hazırsan,
Mənim əsgər qardaşım.

Qələbəni öpüm mən,
Gözlərimə təpim mən.
Yoluna gül səpim mən,
Mənim əsgər qardaşım.

Not: Bu şiir muharebe devam ederken yazılmış bize gönderilmiş ancak yoğunluktan dolayı şimdi yayınlama nasip oluyor… Şairimizin duygularını/temennilerini şiirin yazılış tarihine göre değerlendirilmeli..