Sevməz Olaydım / Leyla Mətin

Sən sevgi bilməzsənmiş
Sevdim, sevməz olaydım
Kaş mən yandığım kimi
Həsrətimlə yanaydın.

Boşuna çırpındı qəlb
Səni həmdəmi sandı
Nə bilsin ki o gözlər ,
O baxışlar yalandı?!

Son yarpaq düşdü qəlbdən
Üşüdü çılpaq könül.
Sonunda anladım ki
Bu sevgi sənlik deyil.

Bir səhvdən min dərs alıb
Uzaqlaşdım dünyadan.
Uzaq tənhalığımda
İndi hər kəsə yadam.