Yenə Sənə Sarı / Ulkər Nicatlı



Səbrim bir ümidə söykənib indi,
Özümü özümdə gəzir ürəyim,
Uzat əllərini, uzat, İlahi,
Qəfil taleyimi əzir ürəyim.
Sənə əl açmağa yoruldum, Allah,
Yığ ayaq altımdan qəmli yolları.
Sənin dərgahına sərim, qurusun,
Mənimtək gözləri nəmli yolları.
Çırpıb qanadını uçdu arzular,
Tənhalıq dumanı bəxtimə endi.
Acı ayrılığı geyib əyninə,
Varaqda can verir misralar indi.
Sənin dərgahına uçan duamın,
Cavabı ömrümə dönmür ki, dönmür.
Mənim otağımda yanan həsrətin,
Nə vaxtdı, işığı sönmür ki, sönmür…
Qısılıb sinəmə yetim duyğular
Gecənin üzünə söykənib üzüm.
Yenə sənə sarı uçur ürəyim,
Bu da son məktubdu, bu da son sözüm.
Bu Yazarın Diğer Yazıları (Toplam: 11 adet)
Kədər Ocağı / Ülkər Nicatlı
7 Haziran 2025
Şəhidlər Xiyabanı / Ulker Nicatlı
9 Mayıs 2024
Şəhid Xanımların Ağrısı / Ulkər Nicatlı
24 Temmuz 2022
Sevginin Payızı / Ulkər Nicatlı
16 Haziran 2022
Ümidin Gözləri / Ülkər Nicatlı
19 Şubat 2022
Yuxusu Üşüyən Körpə / Ulkər Nicatlı
13 Ocak 2022
Buz Nəfəsli Ayrılıq / Ülker Nicatli
21 Aralık 2021
Hər Gecə Gələrəm Yuxularına / Ulkər Nicatlı
1 Aralık 2021
Zəfər Qoxulu Kəlbəcər / Ulkər Nicatlı
27 Temmuz 2021
Dünya Soyuqdur / Ulker Nicatlı
31 Mart 2021