Sirrini Qoruyuram / Xuraman Camalqızı

Elə şirin baxırsan, sevgili gözlərinlə,
Kövrəldirsən qəlbimin daş olan hissəsini.
Mənə ümid verirsən ey könlümün həmdəmi,
Qurudursan gözümün yaş olan hissəsini.
Baxışınla yol çəkdin, gözlərimə qarışdın,
Misralardan süzüldün, hisslərimə qarışdın,
Tənha addımlayırdım, izlərimə qarışdın,
Sən almısan könlümün boş olan hissəsini.
Pərdə – pərdə yüksəldin,yerını qoruyuram,
Sənə də açmadığım sirrimi qoruyuram,
Başımın tacı olan birini qoruyuram,
Gözlərimin üstünü, , qaş olan hissəsini.