Vatan Sağolsun / Fargana Yusufkızı

İndi neynirsən görən,
Yenə səndən yox xəbər.
Qəlbim hey səksəkədə
Aman, dəyməsin xətər.

Bax, yenə də sevdiyin
Yeməyi bişirmişəm
Onu da sənə görə
Bəlkə də sevirmişəm.

Soyuq keçir havalar?
Danış, gəlsin sorağın.
Görəsən üşümür ki,
Çəkmələrdə ayağın?

Dostun gəlmişdi axşam,
Xeyli səndən danışdıq.
Uşaqlıq illərindən…
Xatirəyə qarışdıq…

Gecə yuxu görmüşəm
Əlindəydi yarağın (yaran)
Şuşada yellənirdi
Azərbaycan bayrağı.

Canım oğlum, möhkəm dur,
Evin dərə, dağ olsun.
Mən birtəhər dözərəm,
Təki Vətən sağ olsun!