Olmasın / Leyla Metin

Sən bir aşiq göstər mənə
Gözlərində nəm olmasın
Tap bir ürək göstər mənə
Üzərində qəm olmasın.

Sən bir sevda göstər mənə
Yollarında qar olmasın
Sən bir tarzən göstər mənə
Sinəsində tar olmasın.

Sən bir bağça göstər mənə
Ağacında bar olmasın
Sən bir dünya göstər mənə
Pis insanı var olmasın.

Sevinc açsın sevda açsın
Gözlər qəm ilə dolmasın.
Güllər açsın güllələr yox
Qəlblərdə nifrət olmasın.

Belə dünya varmı görən
İnsanlar var yoxdur kədər.
Yoxdur kələk, yoxdur yalan
Sevməkçündür bəhanələr.