İnsan / Elmira Rüstemi

Baktıkça bu hayatın penceresinden
Neler görür, neler görmez ki insan!
Hakikat çeşmesi açıksa eğer
Bir avuç su alıp, içmez mi insan?!

Hayata açılan minnetsiz baca
Neler yayar, neler yaydirmaktadır
İnsan ki bacayı tutur bastırır
Uyanmaktan artık, oynamaktadır

Oynayir uşag tek, başı karışık
Hayatı oyuncak sanmış bu insan
Batını zahire satıp aldanıp
Karanlıklara canamayı seçmiştir insan

İnsanın kısmeti bu pencereden
Düşündüğü kadar aklı kadarmış
Yazik, insanoğlu aklını büküp
Nefsinin arzusu ile hayat sürermiş

Nefsini ezdirip nefsine uyup
Nefs onu azdırıp sürgün etmiştir
Azdıra azdıra hayat çölünde
Karanlık kuyular ona kazmıştır

Hâlâ da uyanmır, hâlâ da cahil
Hâlâ da sıcaktır canı bu insan
Hâlâ da keflidir, hâlâ da cevan
Yaşı baştan geçse de, xamdır insan

Hâlâ da düşünmür, hâlâ da kanmir
Hâlâ da hayatı bir şakacık sanır
Hâlâ da geldiği yeri unutup
Döneceği yeri hayretle danir

İnsanın ömründe bir yitigi var
Yitigini bulup karara çatar
Yoksa itgin itgin ak kefen giyip
Bir mezar kazdırıp kuylanip yatar

باخدیقدجا بو حایاتین پنجره سیندن
نلر گورور ، نلر گورمز کی اینسان!
حقیقت چشمه سی آچیقسا اَیَر
بیر اُغوش سو آلیب ، ایچمز می اینسان؟!

حایاتا آچیلان مینّت سیز باجا
نلر یایار، نلر یایدیرماقدا دیر
اینسان کی باجایی توتور باسدیریر
اویانماق دان آرتیق ،اویناماق دادیر

اویناییر اوشاغ تک، باشی قاریشیق
حایاتی اویونجاق سانمیش بو اینسان
باطینی ظاهیره ساتیب آلدانیپ
قارانلیغ لارا جونماغی سئچمیشدیر اینسان

اینسانین قیسمتی بو پنجره دن
دوشوندوغو قدر عغلی قَدَرمیش
حئییف اینسان اوغلو عغلینی بوکوپ
نفسی آرزوسویلا حایات سورَر میش

نفسینی اَزدیریب نفسینه اویوب
نفس اونو آزدیریب سورگون ائتمیش دیر
آزدیرا آزدیرا حایات چؤلونده
قارانلیخ قویولار اونا قازمیشدیر

هله ده اویانمیر، هله ده کاهیل
هله ده ایستیدیر جانی بو اینسان
هله ده کئفلی دیر، هله ده جاوان
یاشی باشدان گئچسه ده ،خامدیر اینسان

هله ده دوشونمور، هله ده قانمیر
هله ده حایاتی بیر شوخلوخ سانیر
هله ده گلدیغی یئری اونودوب
قاییداجاغ یئرین حیرت له دانیر

اینسانین عمرونده بیر ایتیئی وار
ایتیئی نی بولوب قرارا چاتار
یوخسا ایتگین ایتگین آغ کفن گئییب
بیر مزار قازدیریب قویلانیب یاتار