Gözün Üstə / Sabina Xosiyeva
Mənim üçün gözün üstə yer elə,
Qoy dincəlim, yurdum-yuvam, yorğunam.
Bilirsən ki, təbiətə, dənizə,
Bir də sənin gözlərinə vurğunam.
Bax, bu mənəm – əsrlərin yorğunu,
Gəlib düşdüm limanına, pənah ver.
Günəş gözlüm, aç gözünü, bax mənə,
Aşiqinə bir işıqlı sabah ver.
Yaz günüdür, yağış yağır aramla,
Necə deyim, hava laylay havası…
Bitmədimi, səsi hüzur sevgilim,
Qürurunun ürəyinlə davası?
Ulduzları qaçar göydən gecənin,
Sənsiz bütün küçələrdə qurd ular.
Gəlsən əgər, günə çıxar ürəyim,
Bütün qərib duyğulardan qurtular.
Mənim üçün gözün üstə yer elə,
Qoy dincəlim, yurdum-yuvam, yorğunam.
Bilirsən ki, təbiətə, dənizə,
Bir də sənin gözlərinə vurğunam.
“Gözün Üstə / Sabina Xosiyeva” eseri için 7 yorum:
Bir yanıt yazın
Bu Yazarın Diğer Yazıları (Toplam: 8 adet)
Möhtəşəm👏🏻🌹
Çox təşəkkür edirəm. ❤️
SəbinəXosiyeva müasir Azərbaycan ədəbiyyatında özünəməxsus dəstixətti olan şairədir. Şeirlərində olan yeni və petik fikirlər hər zaman digər qələm yoldaşlarından onu fərqləndirir. Uğurlar, Səbinə xanım!
Səbinə xanımın şeirləri hər zaman möhtəşəmdir. Uğrulür arzu edirəm
Səbinə Xosiyeva şeirləri möhtəşəmdir
Sabina xanım, mükəmməl şeir. Var olun
Qələminə ürəyinə sağlıq şairə xanım🤲🏻🩷