Balıqlar Yer Saxlayıb Səssiz Yerişlərimə / Terane Arifkızı
Nəfəsimi dəniz tək
içimə çəkmişəm mən…
dalğaları damarda
qanıma bükmüşəm mən…
qağayılar baş çəkir
duzsuz gülüşlərimə…
balıqlar yer saxlayıb
səssiz yerişlərimə…
qumların arasında
sevənlərin ayağı.
addımımı dəng edib
dilsiz balıqqulağı…
gəmilər də açılıb
bu sabah sonsuzluğa.
addımlar yola çıxıb
su altda sənsizliyə.
Yosunlar yosun kimi
saçlarıma dolaşır…
ölüm necə sərindi,
yanır ruhum, alışır.
Bu Yazarın Diğer Yazıları (Toplam: 17 adet)
