Ayrıldı Yollarımız / Leyla Metin
Heç düşünmədiyimiz yerdə
Gülə oynaya taleh bizə oyun qurdu
Anlamadıq özümüz də.
Yarı böldüyümüz həyatta günahları da böldük yarıya
Yarı səndə qaldı yarısını mən aldım çiyinlərimə
Heç incimədən, ağlamadan, sızlamadan
Ayrıldıq.
Zaman zaman küncə qoyduğumuz xatirələri varaqladıq
Küçə-küçə aradıq 《xoşbəxt》 olmadığımız günləri
Birgə keçirdiyimiz anların həsrətini çəkməyə başladıq.
Məgər necə xoşbəxt imişik xəbərimiz yox imiş
Yalanları, dolanları gördükcə daha çox anladıq səhv etdiyimizi
Hər yanlışda bir-birimizi xatırladıq
Ayrı ikən tanıdıq,
Anladıq dəyərimizi
Və sevməyə başladıq
Bir-birimizi.