Rüzgar / Leyla Mətin Sefereliyeva

Uzaqlar ömrümdən səni ayırıb
Yarpaqtək zamansız tez saralmışam
Bir ilin həsrəti min ilə taydı
Yenə xəyallarda itib, qalmışam.

Hansı rüzgar əsir sən olan yerdən?
Ətrini rüzgarla göndər, qoxuyum.
Sevgi laylasını gecə sübhədək
Dilimdə zümzümə edib oxuyum.

Bir az xatirənlə qarışsın başım
Həsrətli günlərin azalsın sayı.
Ömrümüz bir açsın baharlarını
Ayrılıq olmasın bundan savayı.