Unutdun / Leyla Metin
Gözümün kökündə saralıb qaldın,
Məni sən özümün özündən aldın,
Mənə nə söylədin, nə layla çaldın?
Yuxulu qalmışam sən gedəni yar.
Sabahlar adınla açılır hələ,
Yanımda olmadın məhəbbətinlə,
Bir ümid bəslədim bəlkə yar gələ
Sevgin tərk etmədi bu bədəni yar.
Bir-bir dediyinə sən dönük çıxdın,
Gözüm sənə baxdı, sən yada baxdın,
Könüldən sevəni könüldən yıxdın
Unutdun sözünü, hər vədəni yar.